दिनांक 23 ला ग्रामपंचायत सरपंच पदाच्या आरक्षण सोडत
ग्रामपंचायत सन २०२५-२०३० मध्ये होणा-या सार्वत्रिक निवडणूका व या कालावधीत गठीत होणा-या ग्रामपंचायती लक्षात घेता बिगर अनुसूचित क्षेत्रात येणा-या ग्रामपंचायतीच्या सरपंच पदाचे आरक्षण निश्चित करावयाचे आहे.
महाराष्ट्र ग्रामपंचायत (सरपंच व उपसरपंच) निवडणूक नियम, १९६४ च्या नियम २-ज (१) (२) नुसार सन २०२५-२०३० या ५ वर्षाच्या कालावधीसाठी अनुसुचित जाती, अनुसुचित जमाती, नागरिकांचा मागासप्रवर्गाचा प्रवर्ग आणि खुला प्रवर्गातील महिलांकरीता शासनाने सरपंच पदाचे आरक्षण निश्चित करुन दिलेले आहे.
तालूका सावली कार्यक्षेत्रातील ५४ ग्रामपंचायतीकरीता अनुसुचित जाती, अनुसुचित जमाती, नागरिकांचा मागासप्रवर्गाचा प्रवर्ग आणि खुल्या प्रवर्गातील महिलांकरीता सरपंच पदाचे आरक्षण सोडत सभा दिनांक २३ एप्रिल, २०२५ रोजी दुपारी २.०० वाजता तहसिल कार्यालय, सावली येथील सभागृहात आयोजित केलेली आहे. तरी सदर सभेस सर्वजण उपस्थित राहावे असे आवाहन तहसिलदार प्रांजली चिरडे यांनी केले आहे.
